Espainiako Gobernuak azaroaren 20ko hauteskundeak arte presoen edo Sorturen inguruan mugimendurik egingo ez duela iragarri izana salatu du ezker abertzaleak. "Adierazpen horiek erabat onartezinak dira, are gehiago sartu garen egoera berrian", esan du ezker abertzaleak arratsaldean, prentsa ohar batean.
"Bizi dugun agertokiak jarrera positibo eta eraikitzaileak behar ditu, baita salbuespen egoera gainditzea ere, ezker abertzalearen legeztapenaren eta jazarpen politikoaren amaieraren bidez eta Euskal Preso Politikoen Kolektiboari aplikatzen zaion espetxe politika kriminalaren behin betiko eta berehalako amaierarekin".
