ETAko kide izatea egotzita auzipetuta dauden 44 kidetatik zazpiri Baltasar Garzon Espainiako Auzitegi Nazionaleko epaileak gaur eman die auzipetze horren berri: Anjel Mari Elkano, Asier Imaz, Jean Claude Aguerre, Jose Manuel Jurado, Eusebio Lasa, Imanol Iparragirre eta Juan Jose Ibazeta dira horiek. Gainerako auzipetuei datozen egunetan emango die epaileak auzipetzeen berri.
Ibaeta izan ezik gainerako guztiak espetxean daude. Batasuna, EHAK eta EAE-ANVko 44 lagun auzipetzeko erabakia hartu zuen martxoan Garzonek. Epailearen arabera, ETAk hauteskundeetan eta hauteskundeen ondoren erakundeetan parte hartzeko erabili zituen 44 auzipetuak.
politika
Ezker abertzaleko zazpi kideri auzipetuta daudela jakinarazi die Garzonek
Anjel Mari Elkano, Asier Imaz, Jean Claude Aguerre, Jose Manuel Jurado, Eusebio Lasa, Imanol Iparragirre eta Juan Jose Ibazeta dira horiek. Guztira 44 lagun daude auzipetuta eta horiek datozen egunetan izango dute auzipetzeen berri.
Iruzkinak
Ez dago iruzkinik
Ordenatu
