Ezker Batuak salatu du etxebizitza politika «hondatu» egin dutela

Ezker Batuaren Bizkaiko hautagai Raquel Modubarrek salatu du PSE-EEk eta PPk «hondatu» egin dutela etxebizitza politika Eusko Jaurlaritzaren azken agintaldian. Eraikuntza enpresen «mesedetan» aritzea leporatu die bi alderdi horiei. Sestaon (Bizkaia) egin zuen ekitaldia atzo Ezker Batuak, etxebizitza politika ardatz hartuta. Lursail eta etxebizitza publikoak pribatizatu egin ditu Patxi Lopezek, Modubarren esanetan. «Bien bitartean, milaka etxek hutsik jarraitzen dute, eta egunean 15 etxe husten dituzte hipoteka ezin baitute pagatu».