Fernando Alonso euskal presoa (EPPK) Lamako espetxetik (Pontevedra, Galizia) Villabonakora (Asturias, Espainia) eraman dute. Espetxeetako Instituzioek duela astebete iragarri zuten aldaketa, Alonsok 2015eko maiatzetik kartzela zigorraren hiru laurdenak beteta dituela nabarmenduta.
Emilio Salaberriaren (EPPK) gerturatzea ere iragarri zuen Madrilek orduan: Teixeirotik (Coruña, Galizia), Duesora (Kantabria, Espainia). Harena ere gauzatzean, EPPK-ko sei izango dira Espainiako gobernu berriaren ekimenez Euskal Herri inguruko kartzeletara lekualdatutakoak. Jesus Maria Gomez Ezkerro, Jagoba Cod, Kepa Arronategi eta Marta Igarriz izan ziren aurreko laurak.
Alonsok 22 urte daramatza espetxean, eta 25 urteko zigorra dauka ezarria. Salaberriak, 20 urteko espetxe zigorretik beteak ditu 16.
