Bilbotarrek ez daukate etxean geratzeko aitzakiarik; ez gaur, ez bihar, eta ez etzi. Atzoko ezbeharra susto batean geratu zen eta beraz, oztoporik gabe aurrera darrai festak Bizkaiko hiriburuan.
Segurtasun eremuaren barruan piztu zen sua atzo su artifizialen emanaldian zehar, eta hego-haizeak handitu egin zuen; antza denez, haizek 70km/h abiadura gainditzen zuen. Dena dela, suhiltzaileek segituan lortu zuten itzaltzea eta ez zuen kalte pertsonalik eragin.
Udalak ez zuen aparteko neurririk hartu behar izan. EH Bilduk, ordea, “arduragabekeria” egotzi die Bilboko Udalari eta piroteknia enpresari: “Ardurak eskatuko ditugu”.
