Filipe Bidart askatzeko eskatuko dute larunbatean Baionan

Datorren larunbatean manifestazioa egingo dute Baionan, Filipe Bidart euskal presoaren askatasuna eskatzeko. 16:00etan abiatuko da martxa Baionako espetxearen aurretik. Ia 17 urte pasa dira Bidart preso sartu zutenetik, eta duela bi urtetik baldintzapeko askatasunean behar luke. Batasuna, AB, EA eta LCR alderdiek, LAB sindikatuak, Demoek, Segik, Ipar Euskal Herriko giza eskubideen babes elkarteak, Ahaideak elkarteak, Errepresioaren Kontrako Batzordeak, Presondegien nazioarteko behatokiak eta Baigorri-Garaziko gaztetxeak bat egin dute askatasun eskariarekin.