Ikasle Abertzaleek eman dute atxiloketen berri sare sozialetan. NUPen errektoretzak Ekonomia eta Ingeniaritza fakultateetan erreformak egin nahi dituela-eta, protestan ari dira ikasleak azken asteetan. Gaur goizean, manifestazioa egin dute, eta 08:45 aldera joan dira foruzainak. Bi lagun atxilotzeaz gain, bat identifikatu dute.
Txakurrak UPNAn, Iruñean.
— Ikasle Abertzaleak (@IAbertzaleak) 2016(e)ko apirilak 28
Irudietan ikasle bat arrastaka eramaten dute.
Indar polizialak hezkuntzatik kanpora! pic.twitter.com/lgGPKNLYLd
LABek salatu du foruzainak "zakarki eta itsuski" sartu direla Nafarroako Unibertsitate Publikora, ikasleen protesta "jazartzera". Ohar batean, sindikatuak galdetu du nork eman dion baimena Poliziari campusean sartzeko eta ea errektoreak horrela konpondu nahi dituen arazoak: "Horrelakoa da adierazpen askatasunak NUPen izanen duen etorkizuna? Hau da errektoreak eta bere taldeak NUPerako aurkeztu zuten aldaketa?".
