Francoren alabak ez ditu gorpuzkiak atera nahi

Francisco Franco diktadorearen alabak ez ditu aitaren gorpuzkiak Erorien Haraneko Basilikatik aterako, Pedro Cerracin Erorien Haranerako defentsarako elkarteko abokatuak azaldu duenez. Diktadorearen gorpua Erorien Haranetik ateratzeko proposamena egin zuen herenegun Espainiako Gobernuak izendatutako aditu batzorde batek. Franco El Pardoko hilerrian lurperatzea proposatu zuten, baina Cerracinek uste du proposamen hori «adimenari irain» egitea dela. Elkarteko abokatuaren hitzetan, «historia errespetatu egin behar da». Cerracinek salatu duenez, txostenaren atzean «erabaki politiko bat» dago. Azken hitza, baina, Elizak izango duela gogorarazi du.