Frankismo garaian Bilbon alkate izendakoen koadroek udaletxean jarraituko dute. Iñaki Azkuna alkateak ez du onartu EH Bilduk irudi horiek kentzeko egindako eskaria. "Historia errespetatu behar da", esan du alkateak. EH Bilduren kontra jo du, gainera, esanez ez duela onartuko "demokrazia leziorik" koalizio horren aldetik.
Azkunak argudiatu du frankismoaren aurreko agintarien irudiak ere badaudela udaletxean. "Monarkia zaleenak, errestaurazio garaikoak, demokraziakoak, errepublikakoak...". Azkunak nabarmendu du agintean den urteetan ez duela kale izenik aldatu. "Ez dut ezer kendu historia errespetatu behar delako".
