Aurelie Filippettti Frantziako Kultura eta Komunikazio ministroak jakinarazi du Frantziako Gobernuaren iritziz ezinezkoa dela Europako Hizkuntza Gutxituen ituna berrestea, konstituzioko 1 eta 2 artikuluekin talka eginen lukeelako. Frantziako Aude eskualdeko Roland Courteau senatariaren idatzizko galderari erantzun dio Filippettik.
Eskualdeetako hizkuntzen egoera gobernuaren "kezka" dela dio ministroak, gogoratuz adituen batzorde bat ezarri zuela plantan. Joan den uztailaren 15ean eskuratu zituen batzorde horren aholkuak.
Bertze alde batetik, diputatu berdeek hizkuntza gutxituen aldeko lege proposamena sartu dute Frantziako Parlamentuan, Estatu Kontseiluaren "muturreko jakobinismoa" salatuz.
