Eskubideak
Frantziako Justiziak baliogabetu egin du homosexualen arteko lehen ezkontza
Bordeleko Instantzia Handiko Tribunalak baliogabetu egin du Frantziako homosexualen arteko lehen ezkontza —orain arteko bakarra—. Hain zuzen ere, joan den ekainaren 5ean Begleseko auzapez Noel Mamerek bi gizonezko ezkondu zituen, Frantziako Estatuan aurreneko aldiz, eta eztabaida handia piztu zen. Mamere auzapeza kargutik kendu zuten, eta gaur ezkontza baliogabetzea erabaki du epaitegiak.
Ekainaren 29an egin zen ezkontza horri buruzko auzia, eta Marie-Helene de la Landelle fiskalak Frantziako Kode Zibilaren aurkakoa zela argudiatu zuen. Aitzitik, ezkondu zen bikotearen abokatuek agertu zuten kode horretako artikulu bakar batean ere ez dela sexu bereko bi pertsonen arteko ezkontza galarazten.
Iruzkinak
Ez dago iruzkinik
Ordenatu
