Frantziako Poliziak jakinarazi du Josu Esparzak ihes egin duela. Paueko Auzitegiak behin-behineko askatasunean utzi zuen bere aurkako euroaginduaren inguruko erabakia hartu bitartean. Baionako polizia etxean agertzekoa zen gaur, fitxa judiziala betetzera. Ez da agertu eta Poliziak ez du bere ohiko bizilekuan topatu.
Esparzak bere kontra bi euroagindu dauzka, eta Pauek aste honetan horietako eskaera baten alde egin du. Beste euroagindu eskaera aurki aztertzekoa da.
Irailaren 6an atxilotu zuten lehendabizikoz, Donibane Lohizunen, Espainiako Auzitegi Nazionaleko Fernando Grande-Marlaska epailearen euroaginduaren ondorioz. Irailaren 13an atzeman zuten berriro.
Espainiako Polizia urtarrilean saiatu zen Esparza atxilotzen, Ekinen kontra egindako operazioan.
