Frantziako Poliziak jakinarazi duenez, gaur goizean ustezko etakide bat atxilotu du errepide kontrol baten ondorioz, Indren, Frantzia erdialdean. Poliziaren arabera, emakumea armaturik zegoen, eta harekin batera zegoen gizon batek ihes egin du.
Poliziak azaldu duenez, kontrolean auto bati gelditzeko agindua eman dio, baina autoak ihesari ekin dio; istripu txiki bat izan du, eta orduan atzeman dute emakumezkoa. Ikerketa iturriek diote poliziei esan diela Ione Lozano Miranda dela eta ETAko kidea dela. Ustez pistola bat zeraman, baita ETAren dokumentazioa ere.
Gizonezkoak, ordea, ihes egitea lortu du, eta haren bila ari dira.
