Eguneroko gai jakinez ez ezik, politikaz hitz egn nahi du EAJko buruzagi Iñigo Urkulluk Patxi Lopez Eusko Jaurlaritzako lehendakariarekin. Haren arabera, "gai sektorialei buruz" bakarrik nahi du hitz egin Jaurlaritzak EAJrekin. "Badira urte batzuk PSE-EErekin arazo politikoei buruz hitz egiten ez dugula, PSE-EEk borondaterik ez duelako". Urkulluk eztabaidatu egin nahi du, eta mugarriak ere jarri ditu: Gernikako Estatutua osorik indarrean jartzeko ahaleginak egiteko eskatu dio Lopezi, eta marko politikoa aldatzeaz ere aritu nahi du.
Urkulluk gogorarazi du "erakundeen egonkortasuna bermatzeko" egindako akordioa indarrean dutela PSE-EEk eta EAJk, eta harago joateko garaia dela esan du. "Ez diogu uko egiten Lopezek gizarte gaiei buruz izan nahi duen elkarrizketari, baina EAJren eta PSE-EEren artean, Lopezen eta Urkulluren artean, gauza gehiago dago elkarrizketa politikoaz ari bagara".
EAJko buruak Lopezi esan dio "merezi" duela bakegintzaz aritzea, eta nabarmendu du Estatutua osorik martxan jartzea ezinbesteko duela, "baita bere alderdian arazoak baditu ere".
POLITIKA
Gai politikoei buruz ere hitz egin nahi du Urkulluk Lopezekin
Gernikako Estatutua osorik indarrean jartzeaz eta marko politikoa aldatzeaz eztabaidatu nahi du EAJk PSE-EErekin. Urkulluk dio "gai sektorialei buruz" soilik hitz egin nahi duela Lopezek. "Badira urte batzuk PSE-EErekin arazo politikoei buruz hitz egiten ez dugula, PSE-EEk borondaterik ez duelako".
Iruzkinak
Ez dago iruzkinik
Ordenatu
