Eusko Legebiltzarrak gaixotasun larriak dituzten presoak libre uzteko eskatu du gaur, Gasteizen egindako bilkuran. EAJ-EA-EB hirukoak aurkeztu du ekimena, EHAK eta Aralarrekin batera, eta eurek eman dute aldeko botoa. PSE-EE eta PP aurka azaldu dira.
Preso horiek askatzen ez dituzten bitartean, senideei haiek dauden erietxeetara joaten uzteko eskatu du Legebiltzarrak. Bide batez, presoei "osasun eta gizarte zerbitzu egokiak" emateko konpromisoa agertu du Giza Eskubideen Batzordeak.
Carlos Urkijo PPko parlamentariak gogor kritikatu du neurria, "hirukoak ETAren beso politikoarekin [EHAK] batera onartu duelako ekimena". Mertxe Agundez PSE-EEko kidearen ustez, berriz, "ez da hau ETAz eta haren presoez hitz egiteko garaia; biktimez hitz egitekoa da".
Euskal presoak
Gaixotasun larriak dituzten presoak askatzeko eskatu du Eusko Legebiltzarrak
EAJ, EA, EB, EHAK eta Aralar azaldu dira ekimenaren alde. PSE-EE eta PP, kontra.
Iruzkinak
Ez dago iruzkinik
Ordenatu
