Azpeitiko EH Bilduko eta EAJko hautetsiek, Zaldibiako EH Bilduko eta Zaldibia Herrigintzanekoek, eta Arrasateko EAJko, EH Bilduko eta Ahal Dugu-koek bat egin dute igandeko kontsulten alde, eta eta herritarrei parte hartzeko eskatu diete.
Azpeitian, hautetsiek babestu egin dute Hitzartuk independentziaz egingo duen herri galdeketa, eta bat egin dute Nik ere hitza hartuko dutkanpainarekin. Zaldibian, berriz, nabarmendu dute erabakia herritarren esku utziz demokraziak irabaziko duela. Arrasaten Maria Ubarretxena alkateak (EAJ) adierazi du garrantzitsua dela herritarrek horrelako herri galdeketa batean parte hartzea.
Ataunen, Zegaman eta Ezkio-Itsason mozioak onartu dituzte. Olaberrian ere erregistratu dute, eta ezohiko udalbatza egingo dute ostegunean, bozketa egiteko.
