Roberto Jimenez PSNko idazkari nagusi eta Nafarroako Gobernuko lehendakariorde ohiak 19:00etan emango du gobernuaren hausturari buruzko prentsaurrekoa, baina Twitterren mintzatu da, eta idatzi du Nafarroan "garai berri bat ireki" dela.
PSNko idazkari nagusiak dio "ilusio eta gogo handiagoarekin" ekingo diotela aro berriari.
Nafarroako alderdi sozialistako zuzendaritza 18:00etatik aurrera bilduko da.
Yolanda Barcina Nafarroako lehendakariak "leial" ez jokatzea egotzi dio Jimenezi. Haren arabera, ezin da "oposizioan" egon eta aldi berean gobernuaren parte izanik gobernu horren egiazkotasuna zalantzan jarri.
