"Konpromisoa hartzen dut gardentasun osoz jarduteko, eta gure esku dagoen guztia egiteko auzia argitzeko", azaldu du Mariano Rajoyk. Horren harira, iragarri du bere zerga eta errenta aitorpenak datorren astean eskura izango direla Moncloaren webgunean.
El País egunkariak argitaratu zuenez, Rajoyk 11 urtez jaso zituen 25.200 euro, urtero-urtero. Horri erantzun dio PPko presidenteak: "Gezurra da. Inoiz ez dut jaso, ezta banatu ere dirurik, ez alderdian eta ez inon. Ez diot beldurrik egiari. Politikan ez naiz dirua irabazteko sartu: dirua galduta sartu naiz politikan".
Gaineratu du PPk ez duela kontu korronterik atzerrian, eta gaineratu du ez dakiela zein den informazio hori zabaltzearen asmoa, ezta kazetari nork helarazi dion ere.
Azaldu du PPk irregulartasunen bat antzeman duenean horren aurka jardun duela, eta alderdiak bere burua defendatuko duela.
