Javier Etxarri DNE Derecha Navarra y Españolako kidea da Garinoaingo alkatea, gaurko udalbatzarrean erabaki denez. Gonzalo Vicuña izan zen DNEko alkategaia, baina aste honetan jakin da uko egin ziola alkatetza hartzeari.
Iazko hauteskundeetan Garinoainen ez zen izan herriko hautagaitzarik, eta DNE atera zen garaile, botoen %5,6 lortuta. Legediak ezarritako gutxienekoa lortu zuenez, alkatetza hartzeko moduan izan da.
Abenduaren 30ean ziren horretarako udalbatzarra egitekoak, baina Vicuña ez zen joan kargua hartzeko ekitaldira, ”gaixotu egin zelako. DNEko zazpi hautatuetatik bostek hartu zuten kargua; tartean, Etxarrik.
Herritarrak protestak egiten dabiltza. Lehengo ostiralean, kasu, berrehunen bat lagun bildu ziren. Gaur ere batu dira, Ez gaituzue ordezkatzen pankartarekin.
