Gas hodi baten hausturak beldurra sortu du Larragan

LARRAGA. Hodi baten hausturaren ondorioz, gas isuria izan zen herenegun gauean Larragako (Nafarroa), La Palanquera kalean. Auzokoek etxeak utzi zituzten, eta ez dituzte artatu behar izan. Tafallako foruzainak eta suhiltzaileak joan ziren gas ihesa geldiaraztera, eta, ordubeteren buruan, kontrolpean hartu zuten. Hala, goizaldeko ordu bata aldera, auzokoak beren etxeetara itzuli ahal izan ziren berriro ere.