Udaltzaingoak jakinarazi duenez, 12:45ean izan da isuria, San Aton plaza berritzeko egiten ari diren lanetan.
Hara joan dira suhiltzaileak eta udaltzainak, eta zirkulazioa itxi dute inguruko kaleetan. Oinezkoei ere itxi egin diete bidea. Inguruko bizilagunei leihoak eta pertsianak itxiarazi dizkiete.
Suhiltzaileek ura bota dute isuria kontrolatzeko, eta itxi egin dituzte balbulak.
Kalea ordu eta erdi baino gehiago egon da itxita, baina dagoeneko ireki dute. Lehenengo, oinezkoen bidea berrezarri dute, eta, ondoren, ibilgailuena.
