GASA BILTZEKO HIRUGARREN TANKEA

Bahia de Bizkaia Gasek 120 milioi euroko inbertsioa egingo du Bilboko portuan gas naturala biltzeko hirugarren tankea egiteko. Atzo hasi zituzten tanke berria eraikitzeko lanak, eta 450 lanpostu sortuko dituzte datozen 36 hilabeteetan, Bernabe Unda Jaurlaritzako Industria sailburuaren arabera. Jose Ignacio Hormaetxe Energiaren Euskal Erakundearen zuzendariak energia iturri gisa gas naturalak izango duen garrantzia azpimarratu zuen ekitaldian.