Aginte Judizialak eta Ministerio Fiskalak baimena eman ondoren utzi zituzten aske bi gazteak, atxilotu eta denbora gutxira. Cala Galdana herriko kanpin baten zeuden bi gazteak oporretan, Aznar eta bere familia oporrak igarotzen ari den tokitik sei kilometro ingurura.
Ikerketen iturriek esan dutenez, bi gazteek Menorka utzi zuten eta Gasteizera itzuli dira.
Atxiloketak
Gasteizko bi gazte atxilotu zituen atzo Guardia Zibilak Menorkan
Bi gazte atxilotu zituen atzo Guardia Zibilak Menorkan. Balear irletako Gobernu ordezkaritzak egindako komunikatuaren arabera, guardia zibilek bi pertsona zihoazen auto bat ikusi zuten Ciudadela aldera joaten, Aznar oporrak pasatzen ari den lekura. Komunikatuak dioenez, atxilotuak "ekintza susmagarriak" egiten ari zirela iruditu zitzaien guardia zibilei. Nortasun agiria eskatu zieten bi gazteei, eta memento horretan jakin zuten guardia zibilek "kale borrokari" lotutako aurrekariak zituztela bi gazteek. Handik ordu batzuetara aske utzi zituzten.
Iruzkinak
Ez dago iruzkinik
Ordenatu
