Gasteizko Gaztetxeko gazte asanbladak Ertzaintzaren eraso bat salatu zuen atzo. Salaketaren arabera, atzo goizaldean Ertzaintzak eta Gasteizko Udaltzaingoak gaztetxean zeuden 40 lagunak atera zituzten, "bortizki". Oldarraldiaren ondorioz, hamabost lagun zauritu zituzten.
Zehazki, gazte bat jipoitu zutela esan zuten bileran. Gainera, beste bat atxilotu eta beste bi identifikatu zituztela jakinarazi dute. Zehaztasun gehiago emateko asteazkenean agerraldia egingo dute gazteek.
