Gasteizko EAJk jakinarazi duenez, Espainiako Sustapen Ministerioak onartu egin du alderdi horrek eta Ensanche21 elkarteak eskatzen zuen moduan tren geltoki berria Pio Baroja plazaren azpian eraiktizea. Ez da, beraz, geltokia Arriaga Parkean egingo; baztertutako kokapena oso kritikatua izan zen, ingurumenean izan zezakeen eraginagatik.
EAJren iritziz, kokapen berriak erakusten du Javier Maroto alkateak autobus geltokia Euskaltzaindia plazan jarri nahi izatea akatsa dela, eta tren geltokia eta autobus geltokia leku berean elkartzera deitu du. Gasteizeko alkatea pozik agertu da autobus geltokiaren kokapen berriarekin, baina gaineratu du horrek ez diola eragiten autobus geltokiaren kokapenari.
