Gorka Urtaran Gasteizko alkateak Juan Carlos I.a etorbideari izena aldatzeko dekretua sinatu du gaur, eta, hemendik aurrera, Martxoak 8 etorbidea izango da. Udaletxeak izen berria baliatu du «beren bizitza hiri askeago bat lortzen» ematen duten emakumeak goraipatzeko.
Gaurtik aurrera, Juan Carlos I.a etorbidea MARTXOAK 8 etorbidea izango da.
— Gorka Urtaran Agirre (@gorka__urtaran) July 28, 2020
Askatasun eta berdintasunaren alde lan egin eta lan egiten duten emakume guztiak omentzeko. Berdintasunaren alde. Gasteizen alde. #VitoriaGasteizpic.twitter.com/h1n18WTSEo
Udalbatzak adierazi duenez, «hiri batek pertsona bati egin diezaiokeen aitorpenik handienetako bat da bere kale, plaza edo espazio publikoko beste edozein tokiri norbait horren izena ematea», eta pertsona hori «pertsona eredugarri gisa» ikusi ohi da. Baina, udalak errege emerituaren eredugarritasuna «zalantzan» jartzen du, eta, ondorioz, haren izena duen kalea beste modu batera izendatzea proposatu du.
Urtaranek adierazi duenez, «Gasteizko emakume askok merezi dute aitorpen hori», gizartea hobetzen laguntzeagatik. Alkateak gaineratu du «aurrerabidearen eta ongizate komunaren alde hainbeste ekarpen egin duten emakumeen izena duten kaleak eta plazak merezi» dituela hiriak.
