38 urteko gasteiztar bat hilotz aurkitu dute Huescako Pirinioetan, Plango Fuenfria urjauzitik hurbil. Salbamendu taldeak iristeko oso toki zaila da, baita helikopteroz joanda ere, eta, ondorizo, oraindik ez dute gorpua jaso.
Ainsako (Huesca) kirol denda batean lan egiten zuen hildako mendizaleak, eta, halaber, mendi gidaria zen. Hain zuzen ere, lankideek eman zuten atzo desagerketaren berri. Hildakoaren ibilgailua atzo bertan aurkitu zuten, Fuenfriako pistan. Bide horrek Saravillo herria (Plan udalerrikoa) eta Plango aintzira lotzen ditu. Gorpua, berriz, gaur aurkitu dute.
Lehen hipotesien arabera, irrist egin eta amildegi batean behera erorita hil da. Ekaitzaren ondorioz oso zailak ari dira gertatzen hilotza jasotzeko lanak.
Gasteizko mendizale bat hilotz aurkitu dute Pirinioetan
Lehen hipotesien arabera, irrist egin ondoren amildegi batean behera erori zen, Huescako Pirinioetan (Aragoi, Espainia). Mendi gidaria zen, eta Gasteizkoa izan arren Huecan bizi zen.
Iruzkinak
Ez dago iruzkinik
Ordenatu
