Eusko Legebiltzarreko Mahaiak SA taldea ez desegiteko hartutako erabakiak baliogabetu egin zituen Espainiako Auzitegi Gorenak. Erabaki hori ez da zuzena aipatutako bost legebiltzarkideen arabera, eta, gainera, babesgabe sentitzen dira. Horregatik, aurkeztu dute babes helegitea Espainiako Auzitegi Konstituzionalean.
Gasteizen eman duten prentsaurrekoan azaldu dute erabaki horren berri, eta Auzitegi Gorenaren erabakiak "botere banaketa urratzen" duela argudiatu dute.
Eusko Legebiltzarra/ Espainiako Justizia
Gasteizko Parlamentuko Mahaiko eta Bozeramaileen Batzordeko EAJ, EA eta EB-IUko ordezkariek babes helegitea aurkeztu dute
Juan Mari Atutxa Eusko Legebiltzarreko Mahiko lehendakariak (EAJ), Gorka Knörr lehendakariordeak (EA), Kontxi Bilbao bigarren idazkariak (EB-IU), Joseba Egibar Bozeramaileen Batzordeko EAJko ordezkariak eta Rafael Larreina EAkoak babes helegite bana aurkeztu dute Espainiako Auzitegi Konstituzionalaren aitzinean. Legebiltzarreko Mahaiak SA Sozialista Abertzaleak taldea desegiteari uko egin ziola eta, Espainiako Auzitegi Gorenak erabaki horren kontra hartutako neurriengatik aurkeztu dute helegitea.
Iruzkinak
Ez dago iruzkinik
Ordenatu
