Gasteizko udal langileen greba dela eta, 10 instalazio itxita

GASTEIZ. Lan baldintzetan izandako murrizketak salatzeko Gasteizko Udaleko langileek hasitako grebaren ondorioz, sei gizarte etxe eta lau kiroldegi itxita daude asteburu honetan. 8.000 erabiltzaile ari dira kaltea jasaten. Beharginek salatu dute udala ahaleginetan ari dela grebaren eragina nabaritu ez dadin. Patxi Lazkoz alkateak adierazi du «horrenbeste kalte» eragiten duten mobilizazioen beharrik ez dagoela.