Gasteizko Udaltzaingoak ikerketa bat abiarazi du 60 urteko gizon baten heriotza argitzeko. Gizona auto batek harrapatu zuen, eta lurrera erortzean buruarekin jo zuen espaloia. Santiagoko erietxera eraman zuten, zaurituta, baina ordu batzuk geroago hil zen.
Hala ere, Udaltzaingoak jakinarazi du azterketa bat egingo duela argitzeko autoak zeraman abiadurak eragin zuzenik izan ote zuen gizonaren heriotzan. Era berean, azterketak argitzen lagunduko du ea gidaria drogen efektupean zihoan gidatzen automobila, nahiz eta 34 urteko gidariak positibo eman zuen anfetamina eta kalamuaren kontroletan. Izan ere, substantzia horiek gorputzean 72 orduz irauten duten arren, lehenago uzten dute efektua egiten.
