Abiatu duten kanpaldia nola amaituko den jakin gabe, egunean egunekoa antolatzen ari dira. Gaur, esate baterako, batzarra egin dute goizean. Goizean bai, baina eguneko batzar nagusia arratsaldetan egingo dute, han dauden bitartean, egunero 19:00etan. Bideoa: Kanpaldia gaur goizean (Lara Madinabeitia, BERRIA TB):
[youtube]https://youtu.be/nLu3AryChF0[/youtube]
Atzo hasi zuten erraustegiaren aurkako kanpaldia. Gipuzkoa Zutik da antolatzailea, eta, atzo bertan, lantaldeak osatu zituzten: komunikazioa, logistika, aisialdia, formakuntza.
Gau iluna amaitu da, Gipuzkoa kolorez jaztera goaz! #GipuzkoaPlazarapic.twitter.com/1PsYxlK89l
— Gipuzkoa Zutik (@GipuzkoaZutik) 2016(e)ko maiatzak 30
Gaur, esnatu orduko elkarretaratzea egin dute Gipuzkoako Diputazioko arkupeetan, eta aurreneko tirabirak izan dituzte ertzainekin. Esku orriak banatzen aritu diren bi lagun identifikatu dituzte, eta elkarretaratzean zeudenak arkupeetatik kanporatu dituzte.
Arkupeetatik kanporatu gaituzte, eskuorriak banatzen gauden bioi Ertzaintza orain identifikatzen. pic.twitter.com/Z74ulavcJT
— Gipuzkoa Zutik (@GipuzkoaZutik) 2016(e)ko maiatzak 30
Zubietan, berriz, ezezagun batzuek hondeamakina bat erasotu dute. Argia astekariak eman du erasoan berri, eta esan du abiadura aldagailua hondatu dutela. Bideoa: erasoa (Argia).
[YouTube]https://youtu.be/Ke4bJ5oHDqE[/YouTube]
