Gaur bukatuko da Sortzen Ikasbatuaz-en itxialdia

MAÑERU. Sortzean Ikasbatuaz elkarteko kideak itxialdia egiten ari dira gaur arte Mañeruko eskolan (Nafarroa). Atzo, bilerak egin zituzten euskalgintzako nahiz hezkuntzako eragileekin, baita sindikatuekin ere. Eragile guztiek Mañeruko adierazpenarekin egin zuten bat. Bertan, beste hizkuntz politika bat eskatu dute, eta aldarrikatu dute haurrek euskaraz ikasteko eskubidea dutela.