Hilaren lehenarekin batera indarrean jarri da Hego Euskal Herrian haurren segurtasunerako zirkulazioaren gaineko dekretu berria. Zehazki, autoetan non eseri eta nola arautzen du dekretuak. Hala, haurrak eramateko jarlekuak atzeko eserluetan ezarri beharko dira, eta 1,35 metro luze baino gutxiago diren haurrek ezingo dute gidariaren ondoko eserlekuetan bidaiatu —Ipar Euskal Herrian 10 urtetik gorako haurrei baimentzen diete aurreko eserlekuetan bidaiatzea—.
Hala ere, salbuespen batzuk egin dituzte dekretuan. Esaterako, taxiek ez dute zertan haurrentzako jarlekurik izan hiri barruan ibiltzeko. Halaber, bi eserleku soilik dituzten autoetan joan ahal izango dute haurrek aurreko eserlekuan. Atzeko eserleku guztietan haurrak badoaz, utziko diete aurrekoetan esertzen.
