Gautropikalaren arriskuak

Beroaldiari lotuta, gau tropikalaren fenomenoa bereziki arriskutsua da gizakion osasunerako, adituen arabera. 2003. urteko beroaldian gertatu zen horrelakorik, hain zuzen ere. Egunez izandako tenperatura altuak apenas egiten duen behera gauez. Ohean etzanda, gure gorputzak berez sortzen duen beroak hamar-hamaika gradu inguru igotzen du giroko tenperatura. Ezinegona da nagusi egoera horretan. Gorputzak, gainera, ez du atsedenik hartzen halakoetan. Gauez tenperaturak behera eginez gero, berriz, gure gorputzak badu atseden hartzeko eta suspertzeko aukera. Halakorik ez zen gertatu, ordea, duela bi urteko udan.