«Gauzak euskaraz egin nahi nituzke, baina ezinezko zait»

Euskaraz bizitzeko dituen oztopoen berri zuzenean eman zuen atzo Xabier Maritorenak, Behatokiaren urteko txostenaren aurkezpeneko agerraldian, Iruñean. «Gauzak euskaraz egin nahiko nituzke, baina ezinezko zait», esan zuen. Eguneroko zereginetan ditu trabak: «Karriken izenak ez daude euskaraz; autobusak nora doazen ez dago euskaraz; lanean erdal hiztunak daudenez, gaztelaniaz egin behar izaten dugu...». Behatokira jo izan du horrelako egoerak salatzera. «Argi dut eragitea lortzen dela horrela». Adibide bat jarri zuen, gainera: Iruñeko autobusen geltokietan behin-behineko oharrak gaztelaniaz soilik jartzen zituzten. Behatokia bitarteko zela kexatu zen, eta euskaraz idazten dituzte orain.