Gazteentzako Akamarreko zentroa itxi egin dute

BIDAXUNE. Azken asteetako zurrumurrua bete da: itxi egin dute gazteentzako Akamarreko egoitza (Bidaxune, Nafarroa Beherea). Delituak egin dituzten edo bazterketa jasaten ari diren gazteentzako zentro bat zen; zortzi gaztetxorentzat zuen lekua, eta hiru hilabete egoten ziren han. Arduradunek salatu dute egoitza handiagoen alde egiten ari dela Frantzia, krisi ekonomikoaren aitzakian.