Genero indarkeriagatik, lau gizon atxilotu dituzte

GASTEIZ. Lau gizon atxilotu ditu Ertzaintzak, emakumeen aurkako indarkeria kasuengatik; bikotekide ohiari eraso egiteagatik gizon bat atxilotu dute Barakaldon, eta beste bat Ortuellan (Bizkaia), eta urruntze agindua hautsi ondoren bikotekide ohiarengana gerturatu eta iraintzeagatik atxilotu dute gizon bat Gasteizen, eta beste bat Errenterian (Gipuzkoa). Barakaldoko emakumeak leihotik eskatu zuen laguntza; bikotekide ohiak kafeontzi batekin eraso zion eta lurrera bultzatu zuen laguntza eskatu aurretik.