700 ertzainek genero indarkeria jasan duten emakume etorkinei lagundu ahal izateko prestakuntza jasoko dute. 29 taldetan banatuta parte hartuko dute ikastaroetan. Egunero lau orduko heziketa jasoko dute, 58 egunetan, bihartik ekainaren 29ra bitarte, Iurretako eta Erandioko eraikinetan (Bizkaia).
Genero indarkeriaren Biktimei Laguntzeko Zuzendaritzak eta Eusko Jaurlaritzaren Immigrazio eta Aniztasunaren Kudeatzeko Zuzendaritzak antolatu dituzte ikastaroak. Jaurlaritzatik azaldu dute genero indarkeria "lehen lerroko gizarte arazoa" dela.
Bereziki Afrikatik, Ekialdeko Europatik, Latinoamerikatik eta Magrebetik datozen etorkinen ezaugarri soziokulturalak aztertuko dituzte ikastaroetan. Horrez gain, immigrazioari eta genero indarkeriari buruzko "topikoei" buruz ere eztabaidatuko dute.
Datozen hilabetetan, Berdinsarean sartutako udalerriek ere antzeko ikastaro batean parte hartu ahal izango dute.
