Gernikako Akordioa sinatua duten eragileek jakinarazi dute EPPK Euskal Preso Politikoen Kolektiboarekin harremanetan jarriko direla. Bihar emango dute horren berri, Donostian, prentsaurrekoan.
Hainbat alderdi politiko, sindikatu eta eragilek sinatu zuten Gernikako Akordioa, joan den irailean. Euren eskaeren artean, euskal presoei buruzko batzuk daude: gaurko espetxe politika etetea, presoak Euskal Herriratzea, gaixotasun larriak dituztenak aske uztea...
Urtarrilaren bukaeran EPPK-k zioen itunaren sinatzaileekin hartu-emanetan jarri nahi zuela. "Prozesu demokratikoa ezaugarritu eta abian jartzeko ahalegin horretan, harremanak normalizatu eta prozesuan EPPKren parte-hartzea bermatzeko ahalegina eskatu diegu aipaturiko eragileei. Gernikako Akordioaren ordezkaritza ofizial bat EPPK-k izendatua duen mintzakidetzarekin harremanetan jar dadin da eskatu dieguna hain zuzen ere", zioen euskal presoen elkarteak oharrean.
politika
Gernikako Akordioko eragileak presoen elkartearekin harremanetan jarriko dira
EPPKren eskaerari erantzungo diote, ondorioz. Bihar emango dituzte xehetasunak.
Iruzkinak
Ez dago iruzkinik
Ordenatu
