Ahal Dugu-k Iruñeko Kondestablearen jauregian egin den batzar irekian militanteen ahotsa entzun du, eta, ondoren, Nafarroako Herritarren Kontseilua batzartu da azken erabakia hartzeko. BERRIAk ostegunean aurreratutakoa gertatu da; Ahal Dugu-ko militantziak atzera bota du hautagaitza bateratua.
Zirkuluek aho batez esan diote ezetz Geroa Bai eta EH Bilduk luzatutako proposamenari. Hainbat zirkuluk dudak izan dituzte Ezkerraren inguruan ere. Iazko abenduaren 20an, Espainiako Kongresurako ez, baina Senaturako Aldaketa hautagaitza bateratua osatu zuten.
