Ezker abertzaleko bozeramaile Maribi Ugarteburuk kritikatu egin ditu gaur Frantziako Poliziak eginiko bi atxiloketak, eta gaitzetsi egin du Espainiako eta Frantziako gobernuek ETAk astelehenean eginiko adierazpenari emandako erantzun "ezkorra".
Ugartebururen esanetan, egungo egoeran "guztiz ulertezina" eta "baztertu beharrekoa" da bi gobernuak erakusten ari diren jarrera, eta gaineratu du "gerra politikak soberan" daudela. Halaber, adierazi du ETAko hamar kidek astelehenean eginiko adierazpenak agerian uzten duela erakunde armatuak konponbidearen alde duen konpromisoa.
