Getxon 22 urteko gazte bat atxilotu dute, bi emakumeri eraso egin zielakoan

Getxon 22 urteko gazte bat atxilotu zuen Ertzaintzak atzo, joan zen maiatzean bi emakumeren kontra eraso egin zuelakoan. Ertzaintzak jakinarazi duenez, maiatzaren 9an emakume bati eraso egiten saiatu zen gizonezkoa, Algortan. Ez zuen lortu erasotzerik, eta hogei minutu beranduago, beste baten kontra egin zuen. Azken hura sexualki erasotu zuen eta poltsa harrapatu zion.