Bost eguneko greba hasi dute gaur Gipuzkoako adinekoen zentroetan. Sektore horretarako lan hitzarmen bat eskatzeko asmoz deitu dute protestara ELA eta LAB sindikatuek. 3.000 langile baino gehiago daude deituta protestara, eta 6.000 adineko inguru daude greba egitekoak diren zentroetan.
Sindikatuek jakinarazi dutenez, %92 beharginek egin dute greba adinekoen zentroetan, eta %80k eguneko zentroetan. ELAko ordezkari Iñigo Zubeldiak "arrakastatzat" jo du grebak izandako babesa. Gainera, 800 langile inguruk manifestazio bat egin dute gaur goizean Donostian, Hitzarmen duina, erreformarik ez lelopean.
Grebak ez du eraginik izango Biharko enpresak kudeatutako hamazazpi zentroetan. Enpresa horrek aurreakordio bat izenpetu zuen Gipuzkoako Foru Aldundiarekin iragan ostiralean.
