Gipuzkoako Batzar Nagusiak abiadura handiko trenaren (AHT) alde azaldu dira gaur, EAJk, PSE-EEk eta PPk hala bozkatuta. Sozialistek aurkeztu dute ekimena, eta beste biak alde agertu dira. Bilduk eta Aralarrek ekimenaren kontra bozkatu dute.
"Gipuzkoarrentzat proiektu hau erabakigarria, eta egingo den bermea eman nahi diogu ekimen honekin", esan dute EAJk, PSEk eta PPk. Halaber, "tren sare osoa" aintzat hartu beharko litzatekeela aipatu dute euren hitzaldietan.
Idoia Ormazabal Bilduko batzarkideak adierazi du herritarrek ez dutela aukerarik izan ATHa beharrezkoa den edo erabakitzeko.
Rebeka Ubera Aralarreko batzarkidearen ustez, tren azkarrak ez du lurraldea egituratuko; "eskualdeak eta herriak banandu egingo ditu".
Beste gaiak
Beste gai batzuk ere jorratu dituzte gaur Batzar Nagusietan. Esaterako, hondakinak jasotzeko gaurko sistemaren alde agertu dira EAJ, PSE eta PP, eta Bildu, PP eta Aralar Gipuzkoan bidesariak kentzearen alde azaldu dira.
