Gipuzkoako traumatologo elkarte bat zigortu dute

DONOSTIA. Lehiaren Defentsarako Euskal Auzitegiak 6.000 euroko isuna ezarri dio Gipuzkoako Erakunde Pribatuetako Traumatologoen Elkarteari, prezioak adostu eta aseguru etxeei prezio horiek inposatzen saiatzeagatik. Auzitegiaren arabera, jarduera horrek «lehia askea mugatu» egiten du, profesional bakoitzaren askatasuna ezabatzen duelako.