Iñaki Errazkin Ingurumeneko eta Lurralde Antolaketako diputatuak onartu du “udalerri handi batzuetan" oraindik ere urrun daudela tasa horietatik, baina uste du kontzientziazioa eta hondakinen arazoarekiko ardura "izugarri" zabaldu dela haietan ere. "Guk Gipuzkoako beste herri askok egindako bidea egitera bultzatu nahi ditugu”.
Gaineratu duenez, Gipuzkoako hogei herritan hondakin organiko guztia herrian bertan kudeatzen dute; tartean daude Orendain, Aduna, Lizartza, Berastegi, Alkiza, Amezketa...
Errazkinen arabera, gipuzkoarrak "birziklapenaren, iraunkortasunaren, ingurumenaren eta osasunaren alde ari dira"; gainera, uste du "arduraz" jokatzen ari direla hurrengo belaunaldiekin. "Milaka eta milaka herritarrek kontzientzia hartu dute hondakinen arazoaz, eta jarrera aktiboaz, norabide aldaketa horren protagonista bihurtu dira. Gauzak txukun egiten ari dira". Hurrengo urteetan aldaketa horretan "sakondu" egingo dute, "betiere, zero zabor norabidean".
Gipuzkoarrei eskerrak emateko prestatutako bideoan "praktika egokiak" egiten ageri diren herritarrek parte hartzen dute: prebentzioa lantzen, lantokian hondakinak gaika sailkatzen, konpostatzen, gaikako bilketa sistemak erabiltzen, berrerabiltzea sustatzen eta beste hainbat zereginetan ikus daitezke.
