Datorren larunbatean egingo dituzte giza kateak Hendaian, Saran (Lapurdi), Baigorrin (Nafarroa Beherea) eta Larrainen (Zuberoa), baina horren aitzinetik giza katea eta argazkia egin dute gaur dozenaka lagunek Hendaian. 12:15ean batu dira herriko etxeko plazan.
Hurrengo larunbatean, 11:30ean giza kate txikiak egingo dituzte muga herrietan, "mugen zauria josteko keinu gisa". Astelehenean bilduko dira ekitaldia prestatzeko, Baionako Txiribogan, 19:00etan.
Ekitaldi gehiago ere izan dira gaur, ordea. Donezteben zein Zestoan, esaterako, Gure Esku Dago egunak antolatu dituzte, goizean hasita. Beasainen eta Leitzan, berriz, ekainaren 8rako izena emateko mahaiak jarri dituzte.
