GIZARTE POLITIKA «BIDEZKOEN» ESKE

Krisia jasaten ari diren familiekiko gizarte politika «bidezkoagoa» eskatu zuten hamarnaka lagunek atzo goizean Bilbon, Eusko Jaurlaritzaren egoitzaren aurrean. Metro koadro bateko kartoizko kaxetan sartu ziren, eta etxe bateko eguneroko bizimodua irudikatu zuten. Era horretara salatu nahi izan zuten lanik eta laguntzarik gabe geratu diren hainbat familia etxetik bota dituztela. Igandean pobreziaren aurkako eguna da, eta horren harira egin zuten atzo protesta.