Gizarte zerbitzuak Araban jasoko dituzte trebiñuarrek

TREBIÑU. Argantzungo eta Trebiñuko udalek akordio bat sinatu zuten atzo Arabako Foru Aldundiarekin, bi herri horietako herritarrek gizarte zerbitzuan Araban jasotzeko. Trebiñuko Konderrian daude bi herriak. Javier de Andresek izenpetu zuen ituna diputazioaren aldetik; bi herrietako alkateak ere han ziren: Argantzungo Roberto Ortiz eta Trebiñuko Inmaculada Ranedo.