Gizon bat atxilo, autoarekin hiru ibilgailu jotzeagatik

BILBO. 38 urteko gizon bat atxilotu du Ertzaintzak Bilbon, autoarekin beste hiru ibilgailu nahita jotzea egotzita. A-8 errepidean jazo zen talka, eta, Eusko Jaurlaritzako Herrizaingo Sailak azaldu duenez, inor ez du zauritu. Segurtasunaren aurkako delitua egotzi diote gidariari. Talka egin ondoren, N-637 errepidetik egin zuen ihesi.